Um tíuleytið í morgun var skrifað undir nýjan kjarasamning milli SGS og sveitarfélaganna. Fundur hafði þá staðið samfellt í rúman sólarhring. Samningurinn er í takt við þá samninga sem gerðir hefur verið á undanförnum vikum. Samningurinn fer í kynningu í næstu viku.

Í aðfararsamningi kjarasamninganna var kveðið á um að forsenda þess að samningarnir öðlist gildi sé, að tilteknar stjórnvaldsákvarðanir og lagabreytingar hafi náð fram að ganga fyrir 22. júní. Nú liggur fyrir að Alþingi afgreiddi þau lagafrumvörp sem vænst var, en jafnframt að stjórnvöld hafa ekki kynnt veigamiklar áætlanir og áform í efnahags- og atvinnumálum og ríkisfjármálum. Afstaða samninganefndar ASÍ var sú, að þrátt fyrir þessi vanhöld væri ekki ástæða til þess að láta samninganna ekki öðlast gildi en brýna jafnframt stjórnvöld í að klára þessa áætlanagerð og leggja fram sem allra fyrst. Sérstök áhersla