Launafólk sem tekur þátt í svartri atvinnustarfssemi eða vinnur sem „undirverktakar“ taka mikla áhættu. Ef eitthvað bjátar á – stendur viðkomandi einn síns liðs. Á liðnu ári hefur AFL Starfsgreinafélag annast tugi slysamála, hundruði mála sem tengjast hagsmunagæslu fyrir félagsmenn og tugi innheimtumála vegna vangoldinna launa. Félagsmenn AFLs sækja þessa þjónustu sér að kostnaðarlausu.
Atkvæðagreiðsla um kjarasamning við samband ísl. sveitarfélaga lauk á miðnætti.
Á kjörskrá voru 461 félagsmaður og greiddu 184 þeirra atkvæði eða 39,91%
Já sögðu 162 eða 88%
Nei sögðu 15 eða 8%
Auðir voru 7 eða 4%
Samningurinn er afturvirkur frá 1. maí s.l og gildir fram á árið 2019 nema að forsendur hans standist ekki. sjá nánar
Kynningafundir um nýgerðan kjarasamning við Samband ísl. sveitarfélaga verða haldnir sem hér segir:
Fim. 26. nóv. kl.16:30 Víkurbraut 4 Hornafirði
Fös. 27. nóv. kl. 16:30 Sambúð Djúpavogi
Mán. 30. nóv. kl. 10:30 Grunnsk. Fáskrúðsfirði
Mán. 30. nóv. kl 12:45 Grunnsk. Fáskrúðsfirði
Mán. 30. nóv. kl. 16:30 Námsver Reyðarfirði
Þr. 1. des. kl. 10:00 Leikskólinn Seyðisfirði
Þr. 1. des. kl 11:00 Íþróttahús Seyðisfirði
Þr. 1. des. kl. 16:30 Lónabraut 4 Vopnafirði
Mið. 2. des. kl. 16:30 Egilsbraut 11 Neskaupstað
Fim. 3. des. kl. 16:30 Miðvangi 2-4 Egilsstöðum
Starfsgreinasamband Íslands (SGS) skrifaði undir nýjan kjarasamning við Samband íslenskra sveitarfélaga seint á föstudaginn. Umboð AFLs var hjá SGS og því hefur samningur félagsins við sveitarfélögin 10 á svæðinu verið undirritaður. Samningurinn gildir afturvirkt frá 1. maí 2015 til 31. mars 2019. Samningurinn felur í sér eftirfarandi launabreytingar:
Þá hækkar desemberuppbót um rétt innan við 21% á samningstímanum og fer í 113.000 kr. í lok samnings og orlofsuppbætur um 23% verða 48.000 kr. í lok samningstímans.
Stefnt er að því að atkvæðagreiðsla hefjist kl. 08:00 þann 1. desember og að henni ljúki á miðnætti 8. desember.
Kynning á samningum fer fram á næstunni. sjá samning
Lokið er úthlutun orlofsíbúða félagsins um jól og áramót. Alls sóttu 50 félagsmenn um 30 úthlutanir. Þar af höfðu 4 fengið úthlutað á liðnum árum og voru því ekki í forgangi. Síðan hefur einn afþakkað íbúðina sem hann fékk úthlutað og tveir afþakkað sæti á biðlista. Þeir sem sóttu um en fengu ekki íbúð fengu stöðu á biðlista og njóta forgangs ef endurúthlutað verður íbúðum sem skilað er aftur.
Eindagi leigu vegna jóla og áramóta er þriðji desember og í kjölfarið kemur í ljós hvort laust verður í einhverjar af íbúðum félagsins í Reykjavík eða Akureyri yfir hátíðirnar. Þau tímabil verða þá sett í almenna leigu á orlofsvef félagsins. Á þessum tíma – þ.e. frá 22. Desember til 4. Janúar eru íbúðirnar aðeins leigðar í vikuleigu, þ.e. frá 21. Des – 28. Des og frá 28. Des – 4. Jan.
Allir umsækjendur eiga að hafa fengið bæði SMS skeyti og tölvupóst um hvort þeir fengu úthlutað eða ekki – og þá hvaða stöðu þeir hafa á biðlista v. endurúthlutunar.
Hin síðari ár hefur öryggi herbergisþerna á hótelum vakið alþjóðlega umræðu: þyngri dýnur og rúm, gler, speglar og glansandi yfirborð hafa leitt til erfiðari vinnuskilyrða og aukins álags. Sú tilhneiging að þrýsta niður verði fyrir gistingu hefur valdið því að hótelþrifum er útvistað og atvinnuöryggi hótelþerna hefur minnkað. Afleiðingarnar eru óörugg vinnuskilyrði, lág laun og takmörkuð réttindi.
Hótelgestir vita sjaldnast hvernig það er að þrífa hótel og almenningur er ekki meðvitaður um álagið og óöryggið sem herbergisþernur búa við, sjá meira
Góðir félagar!
Þá er enn einu frábæru trúnaðarmannanámskeiði lokið. Fimmtán manns vítt og breitt af félagssvæðinu og úr hinum ýmsu geirum vinnumarkaðarins sátu námskeiðið, og var gerður góður rómur að. Að þessu sinni var farið í fyrsta hlutann sem var bæði fróðlegur og skemmtilegur, allt í bland. Ekki er við öðru að búast þegar Sigurlaug Gröndal annars vegar sem leiðbeinandi og okkar frábæru trúnaðarmenn leiða hesta sína saman. Ekki má gleyma aðbúnaði námskeiðsins, en segja má að staðarhaldari Staðarborgar í Breiðdal leggi mikinn metnað í að gera vel við okkar fólk í mat og öðrum viðgjörningi þann tíma sem námskeiðið stendur yfir.
