Ákveðið hefur verið að fresta innleiðingu á nýjum orlofsvef AFLs Starfsgreinafélags fram í janúar. Ástæða seinkunarinnar er að þrátt fyrir að kerfið virki mjög vel að flestu leyti – komu ákveðnir gallar í ljós við prófanir. Ekki hefur tekist ennþá að lagfæra þessa galla  - sem lýsa sér aðallega í að ákveðinn hluti bakvinnslunnar er hægvirkari en við teljum æskilegt.  Við viljum taka fram að ekki er ástæða til að kenna forriturum okkar um seinkunina – þar sem þeir vöruðu við innleiðingu á sínum tíma og töldu kerfið ekki nægilega prófað. Í ljós kom að þeir höfðu rétt fyrir sér.
Við biðjum félagsmenn afsökunar á þessu bráðlæti í okkur – að kynna kerfið til notkunar áður en tímabært var. Gleðilega hátíð og farsælt nýtt ár. Verkefnisstjórn Orlofskerfis AFLs Starfsgreinafélags.

Á almennum markaði gildir að "Greiða skal desemberuppbót eigi síðar en 15. desember" sjá nánar um rétt og upphæðir desemberuppbótar 

Aðalfundur sjómannadeildar AFLs Starfsgreinafélags verður haldinn að Búðareyri 1 Reyðarfirði föstudaginn 28. desember 2012 kl. 14:00
Dagskrá:
1. Skýrsla formanns um liðið starfsár
2. Kjaramál
3. Þing Sjómannasambandsins
4. Kosning stjórnar
5. Önnur mál
AFL Starfsgreinafélag
Sjómannadeild

Samkvæmt könnun Capacent Gallup á viðhorfi félagsmanna AFLs til ýmissa þátta eru félagsmenn almennt sáttir við þjónustu félagsins. Athygli vekur að hópur "hvorki né" hefur minnkað en ánægðir og mjög ánægðir eru fleiri en í fyrra. Óánægðir eru svipað hlutfall og í fyrra.

 

Samkvæmt könnun sem Capacent Gallup hefur unnið fyrir AFL Starfsgreinafélag hafa heildarlaun félagsmanna hækkað um ca 7,3% á milli ára. Dagvinnulaun hafa hækkað um 6,2% á sama tíma. 

Dregið hefur verið í happadrætti viðhorfskönnunar AFLs Starfsgreinafélags og Einingar Iðju 2012.  Vinninga má vitja á skrifstofum félaganna og féllu þeir á eftirfarandi númer: