Í dag voru talin atkvæði úr atkvæðagreiðslu félagsmanna sem starfa hjá sveitarfélögum um kjarasamning félagsins sem skrifað var undir 11.  desember s.l milli AFLs og Launanefndar sveitafélaga.

Á kjörskrá voru 428. Atkvæði greiddu 214 eða 50%. Já sögðu 198 eða 92,52%. Nei sögðu 15 eða 7,01%. Ógildur 1 eða 0,47%.

Aðalfundur sjómannadeildar AFLs Starfsgreinafélags verður haldinn mánudaginn 29. des. í Safnaðarheimilinu Reyðarfirði kl 17:00. Brottför frá Víkurbraut 4 Höfn kl. 13:30. Dagskrá: 1.  Skýrsla stjórnar    2.  Kjaramál- nýgerðir samningar. 3.  Þing Sjómannasambands Íslands, 4.  Kosning stjórnar, 5.  Önnur mál.

Kynning á kjarasamningi milli Launanefndar Sveitarfélaga og AFLs Starfsgreinafélags, var haldin á Vopnafirði 18.12.´08. Mjög góð mæting var á fundinn, alls mættu 20 manns og hlýddu á Sigríði Dóru Sverrisdóttur trúnaðarmann í leikskóla og fulltrúa í samninganefnd, fara yfir og útskýra samningsdrögin af miklum myndugleik.

Á  miðvikudag var skrifað undir nýjan kjarasamninga fyrir sjómenn en þeir höfðu þá verið samningslausir frá 1. júní s.l. Atkvæðaseðlar til félgsmanna voru póstaðir í dag og þurfa þeir að berast til baka fyrir 5 janúar n.k. Samningarnir verða kynntir á aðalfundi sjómannadeildarinnar sem haldinn verður þann 29. desember. Lesa meira,  launataxti.

Sjálfboðaliðastarf starfsmanna Fjarðaáls skilar þremur milljónum króna til félagasamtaka á Austurlandi. Styrkirnir voru afhentir á jólahlaðborði starfsfólks fyrirtækisins í dag. Hér á eftir fer tilkynning frá fyrirtækinu.

Í dag féllu í Héraðsdómi Austurlands dómar í 12 málum lettneskra starfsmanna gegn GT verktökum ehf. og lettnesku starfsmannaleigunnar Nordic Construction Line SIA. Lyktir málanna voru þær að GT verktakar voru sýknaðir en Nordic Construction Line, sem er í eigu sömu aðila og GT verktakar, var dæmt til að greiða mönnunum vangreidd laun.