Þau leiðu mistök urðu við vinnslu auglýsingar um aðalfund iðnaðarmannadeildar AFLs í Dagskránni, að fundurinn var sagður vera 18. apríl. Hið rétta er, að fundurinn verður haldinn 28. apríl, í húsi félagsins að Egilsbraut 11, Neskaupsstað, Fjarðabyggð. Fundurinn hefst kl. 20:00.
Nánar auglýst síðar.

Vegna sameiginlegra vinnudaga með Einingu-Iðju á Illugastöðum verða allar skrifstofur félagsins lokaðar fimmtudaginn 17. apríl  og föstudaginn 18. apríl. Til að draga úr óþægindunum vegna lokunarinnar, minnum við þá félagsmenn sem eiga ósótta íbúðasamninga á að sækja og ganga frá samningi fyrir þann tíma.

Nýr öryggistrúnaðarmaður var kosinn meðal starfsmanna Síldarvinnslunnar á Neskaupstað í dag og var Vilhjálmur Lárusson kosinn og Jóna Járnbrá Jónsdóttir endurkjörin félagslegur trúnaðarmaður. 

Talsverð röskun varð á skrifstofuhaldi AFLs í dag þar sem sex starfsmenn félagsins sóttu kvennaráðstefnuna "Hvað vilt´upp á dekk - aftur?", sem ASÍ stendur fyrir á Hótel Selfossi í dag og á morgun.

Undirbúningur að stofnun Fulltrúaráðs starfsmanna ALCOA Fjarðaáls var haldinn í gær er um 20 kjörnir trúnaðarmenn, varatrúnaðarmenn, öryggistrúnaðarmenn og fulltrúar í samninganefnd starfsmanna, úr AFLi og Rafiðnaðarsambandi Íslands, héldu fund á Reyðarfirði.

Strákarnir á Aðalsteini Jónssyni SU 11 eru duglegir við að blogga um lífið og tilveruna um borð og taka myndir á veiðunum. Sjá myndir af veiðiskapnum á

http://adalsteinnjonsson.blog.is/album/Lodna2008