AFL Starfsgreinafélag mótmælir harðlega framkomnum hugmyndum félagsmálaráðuneytisins um skerðingu atvinnuleysisbóta , einkum hjá ungu fólki. Atvinnuleysisbótaréttur er áunninn réttur sem fæst með þátttöku á vinnumarkaði án tillits til aldurs, litarháttar, kyns eða búsetu. Það er fráleitt að duttlungaákvarðanir embættismanna skerði þennan rétt.

Samningar sjómanna frá 1. janúar hafa verið prentaðir og fást afhentir á skrifstofum félagsins.Sama gildir um samninga iðnaðarmanna frá febrúar 2008.

Slæm færð í gær hamlaði för trúnaðarmanna frá Vopnafirði og Seyðisfirði á upplýsingafund er AFL Starfsgreinafélag stóð fyrir um "Velferðarvaktina" og það sem starf sem unnið er til að fylgjast með og reyna að fyrirbyggja, skaðlegum áhrifum efnhagsástandsins á þá sem minnst mega sín í samfélaginu. Sigurrós Kristinsdóttir, varaformaður Eflingar Stéttarfélags, er fulltrúi ASÍ í stýrihóp Velferðarvaktarinnar og kom hún til Reyðarfjarðar og fræddi trúnaðarmenn og starfsfólk AFLs um vinnu vaktarinnar.

 

Framkomnar hugmyndir um breytingar á greiðslum bóta til atvinnulausra eru fráleitar að mati miðstjórnar ASÍ. Í hugmyndunum felast verulegarbreytingar á högum atvinnulausra - sérstaklega þeirra yngri. Miðstjórn ASÍ hefur hafnað þessum hugmyndum og hvatt stjórnvöld til að endurskoða forgangsröð verkefna og tryggja meira fé til vinnumarkaðshugmynda. Ennfremur árettar miðstjórn kröfu Alþýðusambandsins um að verkalýðshreyfingin axli ábyrgð á framkvæmd atvinnuleysisbótakerfisins svo og vinnumarkaðsaðgerða.

Sjá nánar á síðu ASÍ

Þeim málum sem AFL Starfsgreinafélag hefur rekið fyrir hönd félagsmanna sinna gagnvart verktakafyrirtækinu Impregilo vegna vinnuslysa og annarra mála við framkvæmdir við Kárahnjúkastíflu er lokið. Í júlí sl. féll dómur í Héraðsdómi Reykjavíkur í einu máli og kaus Impregilo að áfrýja ekki og hefur náðst sátt um uppgjör í kjölfar þess dóms og síðasta málinu lauk með sátt nú fyrir skömmu.

Sigurrós Kristinsdóttir, varaformaður Eflingar, verður með upplýsinga- og kynningarfund um "Velferðarvaktina"  fyrir trúnaðarmenn AFLs, stjórn og starfsfólk nk. fimmtudag kl. 18:00. Aðrir félagsmenn eru og velkomnir. Velferðarvaktin var sett á stofn í febrúar sl. af félags-og tryggingamálaráðherra til að fylgjast með félagslegum jafnt sem fjárhagslegum afleiðingum bankahrunsins fyrir fjölskyldur og einstaklinga í landinu með markvissum hætti og gera tillögur um aðgerðir í þágu heimilanna.